إيصال حراري 80mm بيتطبع بعد الفاتورة، مع إمكانية الطباعة على طول من غير نافذة الطباعة.
تكويد الأصناف وطباعة استيكرات باركود على رول 38×25مم أو ورق A4، بسعر الزبون أو التاجر أو من غير سعر، وعدد الاستيكرات ممكن يساوي المخزون.
استيراد الأصناف وأسعارها ورصيدها الافتتاحي من ملف Excel.
مخزون في مكان واحد: فواتير شراء، وتوريد سريع، وتالف، وجرد، وسجل لكل حركة بالكمية والرصيد بعدها.
تنبيه بالأصناف اللي وصلت للحد الأدنى أو خلصت، وقيمة المخزون بالتكلفة وبسعر البيع والربح المتوقّع منه.
طلبات الموقع بتوصل السيستم بتنبيه صوتي، وبتمشي بمراحل من «جديد» لحد «اتسلّم» — التأكيد بيخصم من المخزون والإلغاء بسبب بيرجّعه.
إلغاء فاتورة البيع بيرجّع البضاعة للمخزون.
ملف لكل عميل وتاجر بتتجمّع فيه فواتيره.
تقارير بأي فترة: صافي المبيعات، والربح والهامش، وتكلفة البضاعة المباعة، ومتوسط الفاتورة، ورسم للمبيعات اليومية، وتوزيع حسب طريقة الدفع والمصدر، وأعلى 20 صنف — مع تصدير الفواتير CSV.
تلات أدوار — مالك، أدمن، كاشير — وصلاحيات لكل مستخدم بتتعدّل من الإعدادات. الكاشير مايشوفش التكلفة ولا الربح، والقيود متطبّقة في قاعدة البيانات نفسها مش في الشاشة بس.
سجل عمليات بيوضّح مين عمل إيه.
بيانات المحل ومصاريف التوصيل والتبويبات بتتعدّل من الإعدادات.
تطبيق PWA بيتثبّت على الموبايل والكمبيوتر، وصفحات الفلوس والعملاء مابتتخزّنش على الجهاز.
إيه اللي هتكسبه
البيع بقى بالمسح مش بالذاكرة: الكاشير مش محتاج يحفظ أسعار مئات الأصناف، والسعر بيطلع صح حسب الزبون أو التاجر.
سعر الجملة مابيتدّاش بالغلط: الفاتورة بتتحوّل لسعر التاجر لما تختار تاجر بس، وأي تعديل يدوي في السعر محتاج صلاحية ومتسجّل.
تكلفتك وربحك سر: الكاشير بيشتغل على السيستم كله من غير ما يشوف سعر التكلفة ولا الربح.
بتعرف ربحك الحقيقي مش مبيعاتك بس: الربح محسوب على تكلفة الصنف وقت البيع.
البضاعة مابتخلصش فجأة: تنبيه الحد الأدنى بيقولك تطلب إيه قبل ما يخلص.
كل قطعة ليها أثر: أي توريد أو تالف أو جرد أو بيع متسجّل في حركة المخزون، فالعجز بيبان ومعروف حصل فين.
استيكر الباركود بيتطبع من السيستم نفسه، فالمنتج بيتكوّد مرة واحدة وبعدها البيع كله بالمسح.
المحل والموقع على مخزون واحد وأسعار واحدة، فمفيش طلب أونلاين لحاجة خلصانة في المحل.
قرارات الشراء مبنية على أرقام: الأصناف الأكثر مبيعًا والإيراد حسب طريقة الدفع قدامك.
بيشتغل من الموبايل أو الكمبيوتر كتطبيق، من غير برامج تتسطّب.
