العودة للمشاريع
Cafe System
نظام تشغيل كامل لكافيه «كيف»: كاشير سريع، وشاشة للباريستا، ولوحة إدارة بتلم المنيو والمخزون والمصاريف والتقارير في مكان واحد. مفيش بيع من غير شيفت مفتوح باسم صاحبه، وكل شيفت بيتقفل بمبيعاته ومصاريفه وصافيه، والمخزون بيتخصم من الأصناف اللي بتتباع فتعرف إيه اللي قرب يخلص قبل ما يخلص.
إيه اللي في النظام
- كاشير مصمم للسرعة: الأقسام تابات فوق، الأصناف بضغطة، والأوردر بيتأكد ويتطبع من نفس الشاشة.
- مفيش بيع من غير شيفت: الكاشير مقفول لحد ما حد يفتح شيفت باسمه.
- نوع الأوردر «تيك أواي» أو «في المحل»، والدفع كاش أو إنستاباي أو محفظة أو فيزا.
- بحث عن أي أوردر قديم وتسجيل مصروف من الكاشير نفسه من غير ما تخرج للوحة الإدارة.
- شاشة خاصة للباريستا وتذكرة تحضير بتتطبع تلقائيًا مع كل أوردر.
- إدارة المنيو بالكامل: اسم عربي وإنجليزي، سعر، ترتيب، أيقونة، وحجم سنجل ودبل للصنف الواحد.
- كل صنف تتحكم فيه: يظهر في الكاشير، يظهر في الموقع، أو الاتنين.
- إضافات بأسعارها (شوت إسبرسو زيادة مثلًا)، وكل إضافة مربوطة بالمخزون اللي بتستهلكه.
- مخزون بالكيلو والجرام والقطعة، متقسم على تصنيفات، ومربوط بأصناف المنيو.
- حد تنبيه لكل خامة: النظام بيعلّم اللي «قرب يخلص» واللي «خلص»، وبيعرض أكتر ٣ خامات اتصرفت في الشهر.
- سجل حركة المخزون: كل كمية دخلت أو اتصرفت متسجلة.
- مصاريف متقسمة على أنواع — طلبيات تشغيل، سلف، فواتير، إيجار، صيانة — ومصاريف اليوم والشهر قدامك، وتدخل على أي نوع تشوف اتصرف في إيه.
- تقارير يومية وشهرية: عدد الأوردرات، المبيعات، المصاريف، والصافي بعد المصاريف — واضغط على أي يوم تشوف تفاصيله.
- تراك المبيعات: اختار مدة (النهارده، آخر ٧ أيام، الشهر ده…) وشوف كل صنف اتباع منه كام وجاب كام ونسبته من الإيراد.
- الأصناف اللي ما اتباعتش في المدة دي بتظهر لوحدها، فتعرف إيه اللي واخد مكان في المنيو من غير فايدة.
- مراجعة الشيفتات: كل شيفت لوحده بمين فتحه وإمتى ومدته ومبيعاته ومصاريفه وصافيه ومتوسط الأوردر والأوردرات الملغية.
- تقفيل الدرج: نقدية البداية + مبيعات الكاش − مصاريف الدرج، فتعرف الدرج المفروض يكون فيه كام.
- خدمة الدايين إن بتتحسب على أوردرات «في المحل» بس، بمبلغ ثابت أو بطريقة الحساب اللي تختارها.
- طباعة من المتصفح أو طابعة حرارية بلوتوث، بعرض ورق 58mm، وطباعة الفاتورة تلقائيًا.
- مستخدمين بصلاحيات، والنظام عربي وإنجليزي بالكامل.
إيه اللي هتكسبه
- كل جنيه ليه صاحب: البيع مقفول من غير شيفت مفتوح باسم حد، فأي فرق في الدرج بيبقى معروف حصل في شيفت مين.
- تقفيل الدرج بقى حساب مش تخمين: النظام بيقولك الدرج المفروض فيه كام، فتعدّ وتقارن في دقيقة.
- بتعرف صافيك مش مبيعاتك بس: المصاريف بتتخصم يومي وشهري، فتشوف الكافيه كسبان فعلًا ولا لأ.
- البن مايخلصش فجأة في نص الشيفت: التنبيه بيوصلك قبلها، فتطلب في وقتك بدل ما تقفل صنف أو تشتري بالغالي.
- الهالك والسرقة بيبانوا: المخزون بيتخصم من المبيعات الفعلية، فلو الخامة خلصت أسرع من المبيعات تعرف إن فيه حاجة غلط.
- المنيو بيتظبط بالأرقام: تعرف الصنف اللي شايل الكافيه والصنف اللي محدش بيطلبه، فتشيل وتضيف وتسعّر على بيانات.
- المصاريف مابتضيعش في الورق: كل مصروف متسجل بنوعه، فتعرف فلوسك بتروح فين وتقلل اللي ينفع يتقلل.
- الكاشير أسرع والطابور أقصر: أوردر بضغطات قليلة وفاتورة بتطلع لوحدها، وتذكرة التحضير بتوصل للباريستا من غير زعيق.
- خدمة الدايين إن بتتحسب صح كل مرة، على اللي قاعد بس، من غير ما الكاشير يفتكر يضيفها.
- تغيّر سعر أو تضيف صنف من الشاشة ويتطبق في الكاشير فورًا — من غير مبرمج.
